Kurason ki kre Txeu!

Kurason ki kré txeu, ta faze tudu dia
Um mundu más bunitu y e ta xinti tudu dia
Ligria ki tem na kumpri mandamentu di Deus:
“Nhos ama kunpanheru”.

Kurason ki kre txeu, sta prontu tudu dia
Pa faze algen filiz, ku un bom dia kontenti
Ku un rostu alegri, un animu sinseru.

Kurason ki kre txeu, sta prontu pa djuda ku un jestu di amigu;
E ta da pon pa kenha ki tem fomi; agua pa mata sedi
Ropa pa gasadja korpu ki meste di gasadju.

Kurason ki kre txeu, ta da suguransa ku filisidade
Ta da konsedju di amigu, ta apoia na mau ora
Ku komprienson y un abrasu di paz.

Kurason ki kre txeu, é ka kaminhu di kabra,
Ma é un caminhu ki sta senpri abertu e prontu pa djuda ;
Pa limpa lágua, di kenha ki sta frontadu, di kenha ki sta ku medu,
Di kenha ki sta kansadu, di kenha ki sta disanimadu pa infrenta mas un dia.

Kurason ki kre txeu, ta da un monsada firmi na ora ki mestedu,
Pa djuda, pa raparti e pa uni sem medu y ku koraji.

Ama senpri, ku amor ki ta bem di fonti ki ka ta kaba
Di amor perfetu, di amor kompletu,
Ku amor ki ta bem di Deus.

(Autora conhecida)